Rank #1: Episode 31
It’s een o oor special Episodes this month and in this Episode 31, we hae the pleasure and honour o capturing the essence o the internationally renowned writer and conservationist, John Muir – the father o oor National Parks and Ranger Service. In this the Centennial year o the Ranger Service, we’re in Dunbar, Muir’s birthplace and we hear mair aboot the man fae past Edinburgh Botanics Curator, David Mitchell. Wi’r up in the Cairngorm National Park wi Countryside Ranger, Fred Gordon – walkin the path o the whisky smugglers – and singer/ songwriter Pete Coutts let’s us hear tracks fae his new Album, Northern Sky. Jist listen – it’s a corker.
Jul 01 2016
Rank #2: Episode 56
‘A guid New Year tae ane an a – an mony may ye see.’ The wirds o the auld sang still ring in the lugs o the fowk that mine watchin Andy Stewart on TV at this time o the year.
Bit fitiver yir preference this month – dinna hing aboot, jist get stuck in.
We hiv a special studio guest – the ootgan Director o the Scots Language Centre, Michael Hance, jines us tae ging oer some of his seventeen years at the helm.
We’re enjoyin the magical company in Edinbugh at the ‘Dreamin Breid an Skyrie Stanes’ gaitherin. Fit a day that wis – fu o magical fowk and special elixers. An wir back in the Howff at the Globe Inn, Dumfries wi the very magical Jane Broon – spikkin aboot Robert Burns an a that. Dinna miss this moment in time.
Jan 07 2019
Rank #3: Episode 55
Wiv reached oor 5th Birthday – an wiv a special Christmas edition – wi guests. Fit an eese.
Oor new lads, Alistair Heather an Josh Bircham jine us in the studio tae spik aboot the life an legacy o Aiberdeen writer an poet, Nan Shepherd fa wrote extensively aboot the Cairngorm Mountains. An wi enjoy her words and work wi Professor Ali Lumsden an Dr Helen Lynch fae Aiberdeen University.
Josh has made a bonnie film o the mountains wi spoken extracts fae Nan’s book ‘The Living Mountain’. Hae a look on oor Webpage video section.
Fred Gordon has some affa important warnins tae say aboot safety in the Mountains – especially at ess time o year. An wir still in the mountains wi author Alec Finlay spikkin aboot his new book ‘Gaithering’ aboot the hills and mountains aroon Braemar. Gathering was commissioned by Hauser & Wirth, for the Fife Arms Hotel, Braemar; the project was launched in 2015 and concluded in 2018.
Hae a Festive Christmas an keep warm.
Dec 02 2018
Rank #4: Episode 57
Welcome to Scots Radio. In this year o ‘Indigenous Languages’ as decreed by UNESCO, we enjoy the rich tapestry o voices an tunes at the 25th Celtic Connections Festival in Glasgow . In this episode we get reaction tae the feedback on the Governments proposed Culture Strategy. Musician Adam Sutherland taks us intae the stores and music that ‘Boots Could Tell’ in Braemar as part o the Braemar Mountain Festival. An we jine the bairns an teachers at the Belmont Cinema in Aiberdeen, tae enjoy the stories wi ‘Scots Language through Film’ fae ‘Into Film an Education Scotland.
Jan 31 2019
Rank #5: Episode 26
(Repeat) In this oor special New Year Edition, we hiv pleasure in featurin an extended interview wi writer and broadcaster Fiona Ritchie MBE.
Fiona produces and presents her Celtic roots radio programme, Thistle and Shamrock, tae audiences a oor North America. In this edition o Scots Radio, Fiona tells us aboot her new book ‘Wayfaring Strangers’ co-written by Doug Orr, an the story o the journey made by Scots-Irish migrants in the eighteenth and nineteenth century to the USA and the southern Appalachian region. Enjoy the journey, the stories and the music.
Feb 01 2016
Rank #6: Episode 22
In Episode 22, wir at the first National Conference fae Education Scotland. The topic wis ‘Scots in the Classroom’ and fit a conference it wis – complete wi Scotland’s Minister for languages, Dr Alasdair Allan, launchin the Scottish Government’s policy for Scots Language.
Wi’r spikkin tae Scots Language co-ordinator, Bruce Eunson and author/teacher, Mathew Fitt fa we met at the conference.
And wir diggin aboot through time and Royalty, at the Pictish Dig at Rhynie in Aiberdeenshire. Stappit foo o treasures – baith the dig and Episode 22.
Oct 01 2015
Rank #7: Episode 38
In Episode 38 o Scots Radio wir enjoying the craic at Celtic Connections – Spikkin tae Lisa Whytock aboot Showcase Scotland, an Karine Polwart aboot her musical connections.
The Scottish Book Trust invites us tae their ‘New Writers’ Showcase and as ‘Neu Reekie’ continues tae attract bigger audiences for their legendary poetry nichts, co-founder Michael Pederson guides us through the nooks an crannies o the gaitherins.
There’s nae hingin aboot in this Episode.
Celtic Connections – Opening Concert with Karine Polwart and the Scottish National Orchestra – “I Burn But I Am Not Consumed”.
The Scottish Book Trust – New Writers Awardees:
Feb 02 2017
Rank #8: Episode 23
Episode 23 is full o stories that will mak ye sit up an taak notice. An wi’re spikkin aboot een o the best stories for a dark nicht – Dracula. We ging fae the North East, tae the Borders wi Story Teller James Spence. And faan wi’re in that neuk, rugby commentator Bill Johnstone taks us on his personal journey. And we feenish ess Episode wi the ‘Hairst’ sermon fae the late Rev Dr Joyce Collie at St Andrews Kirk, Inverurie.
Nov 02 2015
Rank #9: Episode 51
SCOTS RADIO is oot an gaan aboot again. In episode 51 wir nae gaan far fae the sea – trying tae get a cool summer breeze comin aff the waves, tae survive this het wither. In this programme we celebrate awards an special ivints bit maist o a we celebrate community in a it’s shapes and sizes. The community up at Aberdour Bay in Morayshire are honourin the memory o local heroine Jane Whyte – the Fishing Heritage Centre in Buckie are celebratin gettin a new Residency Award – an retired skipper Eric Smith taaks us back on board the herrin boats. The Starbank Community Gairden near Newhavin are celebratin a UK Award an the International Storytelling Festivial is gearin up tae hae abidy growin stories in gairdens. Fit an eese. Jine us.
Aug 02 2018
Rank #10: Episode 53
Scots Radio Episode 53 jist disna hing aboot. Wir at the Dundee Rep for the first performance o ‘The Yellow on the Broom’ – fae the novel by Betsy Whyte.
We hear fit the new Scots Scriever, Dr Michael Dempster his planned for the future. Storyteller Jackie Ross tells us aboot her new project for bairns and we’re up at Banff Academy hearing aboot the new ‘Bairns Charter’. An wiv got bonnie music as weel a throw the programme – bonnie fowk tae present it is harder tae get. Bit we try. Enjoy the journey.
Sep 30 2018
Rank #11: Episode 47
Welcome tae Episode 47 o Scots Radio. In this programme we hear aboot Showcase Scotland fae Lisa Whytock – Dr Margaret Bennett taks us intae the Bothy Ballad competition and Bothy Culture – renowned musician and composer Paul Mealor spiks aboot the Doric Messiah an Gordon Hay fa translated it intae Doric, gies us a smeerin o the text. An we enjoy bein amung 260 Primary bairns, hearin the Doric Gruffalo. It’s a pairt o gaan aboot so jist tak time an listen – enjoy the journey.
Feb 25 2018
Rank #12: Episode 52
It’s jist fan ye think it’s nae afore time – ye find ye canna pit aff time. That jist sums up this last few wiks – wiv been flat oot. An it gies us great pleasure tae tak ye aff tae the Tartan Heart Festival at Belladrum tae spik tae the past Scots Screiver, an the Edinburgh Festival and Fringe wi ‘Aye, Elvis’ an Joyce Falcoer, an a preview o the Findhorn Bay Festival wi Kresanna Aigner. Bit enjoy yirsel fan ye can – ye hiv tae knuckle doon an read the Draft Cultural Strategy Document fae the Scottish Government. Dinna worry, Donald Smith taaks us through the pages. Jine us in Episode 52 o Scots Radio. Dinna pit aff time.
Aug 31 2018
Rank #13: Episode 30
In Episode 30 or Scots Radio, wir keeping up wi seasonal – ivints past, present and future. We hear foo the Saltire Society is celebratin it’s 80th birthday, Mary Blance is spikkin aboot the Shetland Wool Wik – oor new reporter Tracy Harvey reports fae Ayrshire, an we jine writer James Robertson at a gaitherin o poets at Neu Reekie in Edinburgh. An jist tae feenish aff the season, wi jine Bothy Ballad Champion o Champions Hector Riddell for a song – oot in the lambin shed.
Jun 03 2016
Rank #14: Episode 54
An ess is us again – it disna seem that lang ago faan we wir here daein the last episode. Bit that’s jist fit happens – yir nae seener gaan aye wye – that ye meet yirsel coming back fae the time afore.
In Episode 54 o Scots Radio wir rummelin aboot in books – them that’s recently published, jist aboot ready and oot a lang time ago. Rosemary Ward fae the Scottish Book Trust tells us fit’s happenin in Book Wik Scotland – Andrew Barr is delving through the Declaration o Arbroath, Sheena Blackhall reads fae her Doric translation o Jean Ayre, an Amanda Edmiston escorts us into the recipe pages o the ‘Scots Kitchen’ an the life o author an folklorist F. Marian McNeill. A this an music tee. Fit an eese.
Oct 30 2018
Rank #15: Episode 46
Welcome again tae Scots Radio. We hiv a lot in oor shoppie windea this month – hearin foo the memory o Robert Burns his been celebrated in Embra. Wir in the guid company o Donald Smith fae the Scottish Storytellin Centre on the Royal Mile, introducin us tae Tam O’Shanter. We hear aboot a new exhibition featurin Burns’ political poetry at the Saltire Society – an the tour dates for the ‘Sense o Identity’ exhibition featuring Scottish Traivellers. A this an mair, wi bonnie music as weel being played this year, at the Celtic Connections Festival in Glasgae. Wir oot an gaan aboot – jine us.
Jan 27 2018
Rank #16: Episode 28
An wir oot an aboot again – spikkin tae fowk and hearin their stories. In this edition, we jine the community doon at Newhaven hairbour, aside Edinburgh, tae hear aboot their mission tae create a new Heritage Centre. We delve intae the pages o ‘Killochries’ , the story and book fae Glesgae Maker, Jim Carruth – this is a poetry book like nae ither. An Gordon Hay taks us up tae Easter and his translation o the New Testament in Doric.
Mar 24 2016
Rank #17: Episode 29
An wiv been gaan aboot again. In this edition wir at the Celtic Media Festival, held this year in Dungarvan, Waterford, Ireland, an hear foo Scots Radio got on in the Festival Awards. An fit’s happening tae the Scots Language Co-ordinators – we spik tae co-ordinators Diane Anderson and Bruce Eunson. Wir at the Scottish National Theatre’s production o ‘Granite’ in Aiberdeen, an Daniel Abercrombie tells us fit’s gaan on in Tradfest.
May 04 2016
Rank #18: Episode 50
Aye, wiv reached Episode 50 o Scots Radio – an wir still spikkin an celebratin wi abidy.
Wir in Fife celebrating the memory o Cardenden Poet Joe Corrie, and the Launch o Wullie Hershaw’s new book ‘The Sair Road’. Wiv news o a big fiddle Festival an mair wi NAFCO – in Aiberdeen an Aiberdeenshire – an I’m in the fiddle maakers workshop. We feenish in among the Procession in Edinburgh tae celebrate weemin getting the vote a 100 years ago.
It’s a bumper edition. Jine us an enjoy.
Jul 02 2018
Rank #19: Episode 34
In Episode 34 we dinna hing aboot – we ging fae the launch o a new book caad the Buke o the Howlat at Darnaway Castle in Morayshire – new text fae James Robertson and illustrations fae Kate Leiper. We hear fit’s being planned for the new International Storytelling Festival – an we enjoy the tastes and the treats at the Edinburgh Food Festival. Hud Gaan.
Sep 29 2016
Rank #20: Episode 24 – Christmas
It’s a special Christmas Edition ess month foo o Seasonal mirth – an sherry trifle. We hear aboot The Buchan Field Club fae President Sandy May – wi jine Perthshire fairmer and stand up comic, Jim Smith on the fairm and comedy club. An we jine food writer Wendy Barrie in her kitchen in Fife, tae hear mair aboot a new Scottish recipe book – and whip up a special dish. An Mary Blance fae Shetland and Gordon Hay fae Aiberdeenshire gie us their Christmas stories. It’s a programme fu o good cheer – season’s greetins tae abidy.
Dec 01 2015